14.01.2008

schlechten rutsch nochträglich und olles schlechte im neign johr.

also, vor a bissl üba ana wochn homma im arcadium gspüt. vor uns "goarnix", "verreck attack" und "die hinichen". wor im prinzip a murdsgaude für uns, a wenn diesmol genau nix hinghaut hot. vaschissn wüll i net unbedigt sogn, owa es kummt scho ziemlich knopp zur wohrheit zuwi.
ausreden zöhln net, somit a net, dass si da gitarrero zuerst söwa sehr wenig ghert hot und noch da höfte vom konzert a no die stimm valorn hot. bled. wurscht. owibogn, und fertig.
bled a, dass grod da chri net dabei wor, der uns des eigentlich ermöglicht hot durt zu spün.

tjo, wos no? waß net. schreibt's wos liabs ins gästebuach.

21.09.2007

trottl, do homma jo scho laung nix neix gschriebn. owa wir hom in da zwischenzeit scho wieda a konzert ghobt. in leoben. bei die schagers.
neie liada homma a: "rote lippen", "eviva espana (schager edition)", "hello mary lou",...
daunn holt no a poor, de ma eh scho öfters geigt hom und wos waß i. ruafts uns holt aun, wenns wos wissn wullts.

und i find, es ghert a amol wer griaßt. also, wir griaßn: in chri, der a wirklich guata schlechter is und leider in leobn net hot dabei sein kennan, daunn in charly der brav gfülmt hot mit seiner neign hdtvzgqw-kamera von sony, in muffl der a mit seiner frau dabei wor, die marion de a supa frühstück mochn kaunn, die irmi de an suuupertext für uns gschriebn hot, die barbara und die drei erwins, de mit da braunan lederjackn, die conny, olle de beim turnier valorn hom, olle de beim turnier gwunnan hom,... mehr follt ma net ein. schreibts ma a mail, wenns a amol do auf da seitn stehn wullts.

guat, heit is freitog, nächste wochn is a freitog und do prob ma wieda. mit kuchen und kaffee und bier und schnops und fanta. da spikey (da hund, auf den da johnny aufpasst hot) ias leider nimma dabei. den hota scho zruckgebn miassn.

ois daunn, bleibts schlecht. wir tuans jo a.

30.05.2007

ahoi! no 1 1/2 wochn, bevor ma unsa erstes konzert bei die mostingers spün. gratuliere. 8 hiesige band, a piefke-partie und wir. bin scho gspaunnt.
tjo, wos gibt's neies? wir hom "etliche" neie liada am start, bzw. liada, de ma no nie live gspüt hom. a poor dürftn trotzdem bekaunnt sein ;-)
bei die proben in letzter zeit wor ma eigentlich hauptsächlich mit flippern beschäftigt. da koarl hot in rekord mit rund 46000 punkten. da gue is mit ca. 1000 punkten rückstaund auf plotz zwa.
und neierdings gibt's in unserm proberaum a zuschauer: inspiriert durch "kings of rock" homma jetzt an "gig-simulator". sehr fein. foto stöll i irgendwaunn amol eini.

no wos: auf www.festlinfo.at kennts eich kostnlos registriern und für uns stimman, damit ma unsan startplotz am 9.6. aussuachn kennan. najo, noch 23 uhr spü ma sowieso nimma, wal ma erstens fett und zweitens miad sein wern, owa warad lässig, wenn ma des legal üba die bühne bringen und kan vadreschn miassn. ;-)
weitere infos gibt's do.

mehr follt ma momentan net ein, vielleicht schreib i morgn oder freitog no wos.
fürn chri sei einweihungsparty darf i no net mit am konzert werben, wal er söwa no net waß, ob er des seine neign nochborn auntuan kaunn. kunstbanause - des kostet iahm a 500g-apfel-topfen-torte!

18.04.2007

es gibt a neies konzert. und zwor treibt's uns diesesmol noch oberösterreich. gallspach haßt de gstätten und wir spün durt im rauhman von so am "band contest"
die bands durt san: Lack of Sticks, Loss of Confidence, Cherosin, Stonecircle, Schlecht, Symphony for Nothing, Feinmotorik, Choice Quality, Voiceless Minority, Paranoid, Ashes of my Live (D)
sullt ane von de bands do wünschen, dass ma ihr homepage valinken, schreibt's ma bitte a mail (links kontakt), ins gästebuach oda ins forum. i moch des daunn.
weitere infos gibt's do: klick.
und mittlerweile gibt's scho wieda a bissl neies material von uns. also - wir segn uns in oö. :-)

02.03.2007

danke an olle, de beim echt schlechten konzert am 23.2. dabei worn!!!
leider wor da sound in da garage net sonderlich guat, werma as nächste mol aundas mochn...
fotos gibt's do: fotos

07.02.2007

so, jetzt is da chri a unter "musikanten" zu segn.
auf grund von de gschissanen drecks-spam-bots, gibt's jetzt im gästebuach an 4-stölligen kot zum eingebn. i hoff, ihr schofft's des ;-)
den freitog homma wieda probe, do wern a poor neie liada proBIERt. mol schaun, wos aussakummt. sunst sterb ma holt lochend.

05.02.2007

nochträglich a guates neies johr!
und wir san jetzt fix zu viert: mitn chri von darkfall homma noch 3 johr bandgeschichte endlich an musiker dazuagwunnan. er hot bereits bei die hinichen weihnochtn mitgspüt, zu dem's do da bericht und a poor fotos gibt: hiniche weihnachten 06
des weiteren spü ma am 23.2. bei uns im proberaum a klanes konzert. es gibt gulasch und bier und schnops und wein, damit die musik erträglicher wird. diskussion drüber in forum: klickerdiklack
warat a gschichterl, wenn a poor leit durt aufkreizen. start is ob ca. 18 uhr.