Hiniche Weihnachten (9.12.2005)

so, des konzert is vorbei. leider, wie i find, wals anfoch von grund auf a saugeiler obnd wor.
von aunfaung aun: wir schlechten hom uns amol um 5e beim planet troffn und hom instruktionen kriagt, wie wos waunn. um ca dreiviertel sechse san daunn die ersten hinichen kumman. wir hom si holt vorgstöllt und irgendwaunn hom de in soundcheck gmocht. wir nocha holt no a bissl nochjustiert und daunn wor's eigentlich nur mehr a wortn bis zum auftritt um viertl neine. vorher homma no unsa setlist in den ÖKM-schaß oda wie des klump haßt eintrogn miassn.

passt, warat des a erledigt gwesen. guat, irgendwaunn hot uns da hiniche schlogzeiga, (wolferl), ans von unsre sensationellen leiberl obkauft und da fritzl (hinicher kapellmeister) no a runde schnops im grandiosen zinkstamperl (unterwegs-stamperl - des wird net hin) ausgschenkt. danke no amol - do siegt ma holt die erfohrung von profibands, wos ma vorm auftritt braucht ;-)
daunn issas losgaungan um ca 20:20 mit unsam neichn opener, von dem ma in nauman net wissn und desholb auf "pudadiekuh" umtauft hom. glei darauf den klassiker "shitty shitty gang bang". zerst hots no ziemlichen applaus für unsan auftritt gebn, der owa nochm dritten liad von ca. 5 bis 10 kunstkritkern mit "aufhern", "auf wiederseh'n" und "hiniche"-sprechchöre probiert san worn zu ersetzen - de worn owa in da unterzohl. uns hot des ehrlich gsogt richtig taugt und motiviert und auf die aunsog ("hoit di gouschn, du oaschloch") von so am deppen zum koarl mit am dezenten "i hob an vastärker - und du net" quittiert worn is. höhö, i glaub wir hätten gor ka zugobe gspüt, owa des hot uns motiviert. danke!

danoch hom die hinichen in gewohnt geiler manier ihr neie cd vorgstöllt. entweder gfolln am de oda net. dazwischen gibt's glaub i net vü. mir gfollns uns den meisten von "unsren" leiten a, womit des eigentlich a sehr gelungener obnd worn is, der mit ana spontanen aftershowparty bis ca. 5e in'd fruah in am lokal außerholb wiens beendet worn is.

a herzliches dankeschön auf dem weg no amol an die hinichen für die möglichkeit, dass ma zaumman spün hom dürfn. vielleicht kenn ma's jo amol wiederholn. für schnops werd i daunn sorgen - versprochen!